Certamen Latinum Syracusanum

**Yorick** Sab 13 Dic 2008 - 17:18

Certamen Latinum Syracusanum
MMIX
EDITIO XXIII
Delegatio Syracusana humanarum litterarum “Renato Randazzo” dicata, italice “Delegazione di
cultura classica Renato Randazzo” et Lycaeum-Gymnasium “T.Gargallo”, patrocinio confirmato
Provinciae Syracusanae et Civitatis Melillensis, ad humanitatis et litterarum latinarum studia fovenda,
linguae latinae certamen quotannis proponunt.
II
Certamen in partes duas est divisum: altera adulescentibus secundae classis biennii omnium
Italicarum Scholarum quae classicae, scientificae magistralesque dicuntur, reservatur, altera ad earundem
scholarum triennii iuvenes spectat.
III
Competitores, lexico usi, ex Latino in Italicum sermonem convertere debent orationis solutae locum
auctoris aureae aut argenteae, quae dicitur, aetatis aut christianae atque commentariolum lingua latina
instruere, quo loci explanatione digni brevibus adnotationibus criticis et ad linguam et ad res pertinentibus
explicentur, adulescentes biennii, apto latini auctoris loco in sermonem nostrum converso, brevem
paraphrasim lingua latina componere debent.
IV
Certamen, secundum rationes publicarum contentionum constitutum, fit in Aula Magna Lycaei –
Gymnasii “T.Gargallo”, Syracusis, die secundo ante Kalendas Apriles MMIX hora secunda (Italice ore
otto). Certamen est sex horarum.
V
Discipuli per cursorem publicum mittere debent ad “Delegazione siracusana di cultura classica
Renato Randazzo” - Liceo Classico “T.Gargallo”, 96100 Siracusa - postulationem una cum schedula
dactyloscripta quae referat nomen et cognomen competitoris cum domicilii, Scholae, classis magistrique -
a quo ad certamen eruditur – designatione, intra diem sextum ante nonas Martias MMIX.
VI
In postulatione nominis discipuli subscriptio simul a scholae Praeside fidei causa obsignari debet.
VII
Discipuli, certaminis die, identitatis documento (tessera – syngrapho) instructi adesse debent.
VIII
Certaminis iudicum sententia, de qua nulla controversia fieri licet, victores haec praemia
consequuntur:
1) Primo tribuitur praemium rei pecuniariae quod constat ex summa sescentorum quinquaginta €
(euro) cum testimonio ex pergamena facto;
2) Secundo tribuitur praemium rei pecuniariae quod constat ex summa trecentorum € (Euro) cum
testimonio ex pergamena facto;
2
3) tertio tribuitur praemium rei pecuniariae quod constat ex summa ducentorum quinquaginta €
(euro) cum testimonio ex pergamena facto.
Adulescentibus secundae classis biennii, qui per primos gradus disponantur, haec praemia dantur:
1) Primo tribuitur praemium rei pecuniariae quod constat ex summa quingentorum € (euro) cum
testimonio ex pergamena facto;
2) secundo tribuitur praemium rei pecuniariae quod constat ex summa trecentorum € (euro) cum
testimonio ex pergamena facto;
3) tertio tribuitur praemium rei pecuniariae quod constat ex summa ducentorum quinquaginta €
(euro) cum testimonio ex pergamena facto.
Discipulis qui certamini cum laude interfuerunt testimonium nominatim tribuitur. Magistris quoque a
quibus victores eruditi sunt praemium quod constat ex libro et testimonio tribuitur.
IX
De exitu certaminis per cursorem publicum epistulis missis victores certiores fiunt.
X
Praemia victoribus persolvuntur in Curia Syracusanae Provinciae, praesentibus Provinciae Praeside qui
dicitur aliisque Magistratibus Syracusanis, Studiorum Curatore, optimis viris in liberalium artium studio
versatis, Praeside et Professorum Lycaei “T.Gargallo” Collegio, docentibus et discipulis Scholae
Syracusanae, in publicis sollemnibus, die septimo decimo ante Kalendas Iunias MMIX.
XI
Scripta non restituuntur.
XII
Certamini praeest delegationis scriba quae delegata certamini parando atque costituendo munere fungitur:
Lucia Arsì.
XIII
Collegium certaminis iudicum constituunt:
Professor Universitatis Studiorum, princeps collegii;
Delegationis scriba;
duo Professores Latinae et Graecae Linguae, quadraginta competitoribus praesentibus;
denis autem candidatis additis, adduntur et singuli professores.
Sententiae pluribus suffragiis statuuntur; paribus suffragiis, principis collegii vel – hoc absente-scribae
sententia vincit.
Delegationis scriba collegii iudicum munere scribae fungitur.
Syracusis, die tertio ante Kalendas Octobres MMVIII.
Lycaei “T.Gargallo”Praeses Delegationis Praeses
(Petrus Sirena) (Marius Blancato)